Rueiro

O Grupo de Teatro Amador Rueiro pertence ao Centro Cultural Artístico e Recreativo «Rueiro», no barrio de Cristo da Vitoria, en Coia (Vigo), e está federado en FEGATEA. Fundouse en 1982 como un pequeno grupo que montaba pezas curtas en galego.

Nos anos noventa ampliou o seu repertorio con obras populares galegas, entre elas textos de Castelao e Euloxio R. Ruibal, e con adaptacións. Entre os seus traballos figuran «Profesión precaria» e «Historias peregrinas», adaptación da obra de Miguel Anxo Murado.