De Geast fan Spultsjelittens

De Geast fan Spultsjelittens is in oarspronklik Frysk stik fan Peter Sijbenga oer in braaklizzend stik grûn oan de râne fan Hopbilstergryp. Bern hawwe it terrein ta boartersplak makke en brûke harren fantasy om de skiednis fan it eardere spultsje fan Âlde Klaas en Fardou ta libben te bringen, wylst boer Agema plannen mei de grûn hat. De produksje kombinearret toaniel, sang en dûns en wie de earste BIS-foarstelling op it terrein efter De Tysker.