Teatro Ollomao

Teatro Ollomao é o grupo de teatro afeccionado do Colectivo Cultural Ollomao, en Barreiros (Lugo), federado na Federación Galega de Teatro Afeccionado (FEGATEA). Iniciou o seu camiño en 2013 cunha obra de Castelao que tivo once funcións e máis de 3.000 espectadores.

Desde entón levou a escena sete producións, entre elas Noite de Reis, Enciclopedia Álvarez, Pan con chocolate e O traballo de Andrea. En 2014 e 2015 organizou «Teatro nos bares», con micropezas representadas en locais de varias parroquias de Barreiros.