Macbeth

Yn Macbeth ferpleatste Berneiepenloftspul Shakespeare syn trageedzje nei it twastjerre restaurant Skotlân State. Sjef Macbeth krijt fan trije jiske-ophellers te hearren dat it restaurant in tredde stjer krije sil en dat hy de lieding oernimme sil fan eigner Duncan. Ambysje, oergeunst en groepsdruk bringe dêrnei de freonskip en ienriedigens yn it restaurant yn gefaar. Peter Sijbenga bewurke de tekst en makke muzyk en lietteksten foar dizze Fryske jeugdproduksje.